Plantun de Prouvènço

Pèr coumpara dos planto d'encò nostre

Asperugo procumbens & Festuca flavescens

Rapeguiéu

Asperugo procumbens

Boraginaceae

Àutri noum : Rapego-man, Rapequiéu.

Noms en français : Râpette, Portefeuille.

Descripcioun :
Lou rapeguiéu (noum generi), trachis dins lis escoumbre e li cast de fedo. Es uno planto ramificado cuberto de péu à crouchet sus li cambo coume li fueio. Li flour, pichouneto, soun d'un blu que tiro sus lou vióulet. Se recounèis subretout emé si fru en boursoun plat e denta ("calice" acreissènt) - vèire li fotò.

Usanço :
Li jóuini fueio soun manjadisso cuecho. Proche dóu bourrage, pèr d'ùni, n'en a li mémis usanço : es uno planto bono contro lou tussi e lou raumas. Lis estùdi d'aro monstron d'ùni prouprieta anti-bateriano e sedativo.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Asperugo
Famiho : Boraginaceae

Coulour de la flour : Bluio
Petalo : 5
Ø (o loungour) flour : 3 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Abriéu à avoust

Liò : Escoumbre e proche dis oustau - Cast
Estànci : Mesoumediterran à Subaupen
Couroulougi : Paleoutemperado
Ref. sc. : Asperugo procumbens L., 1753

Petugo(-jaunasso)

Festuca flavescens

Poaceae Graminaceae

Nom en français : Fétuque jaunâtre.

Descripcioun :
Aquesto petugo trachis en mato di li bos de resinous sus sòu séusous, majamen dins li melounié. Es uno planto coumuno qu'èi pas trop tihouso de recounèisse emé si lòngui fueio d'en aut primo, laco e verdo claro (aquéli d'en bas soun mai courto). Li paumo (paniculo), longo de 4 à 14 cm, porton d'espigueto jaunasso de 8 à 12 mm e emé 3 à 6 flour. Li lemma podon agué una arèsto courteto (0,8 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 25 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 14 cm
Flourido : Printèms - Estiéu

Sòu : Si
Autour basso e auto : 1000 à 2600 m
Aparado : Noun
Jun à juilet

Liò : Melouniero - Pinedo - Sapino - Esboudèu
Estànci : Mountagnard à Subaupen
Couroulougi : Ouroufito-Ouèst-Aupenco
Ref. sc. : Festuca flavescens Bellardi, 1792

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Asperugo procumbens & Festuca flavescens

ges

Coumpara Rapeguiéu emé uno autro planto

Coumpara Petugo(-jaunasso) emé uno autro planto